發生呢啲事好不幸，冇人想發生；祝早日康復....
可悲嘅係睇留言，好多香港市民唔去思考，唔去分辨咩叫『併發症』，咩叫『醫療失誤』。
1）首先，病人有橫貫性脊髓炎（transverse myelitis)，一個不常見嘅嚴重疾病，要入深切治療部去醫；留言亂鬧嘅人，瞭唔瞭解成個病同嚴重性，成件事來龍去脈先？
2）佢接受「中央靜脈導管置入術」（central venous line insertion），唔係手背打粒鹽水豆咁簡單，風險唔低；亂屌之前，認唔認識呢個procedure點做，同涉及咩已知風險？當然係衡量過利弊，覺得幫到危急病人先會去做。
3）任何高風險程序／手術／治療，目的係為咗幫啲嚴重病人；醫生重來不能擔保零分險，只係盡量去減低，一般亦會解釋和簽同意書。無事嘅無事，醫好嘅就醫好。可惜，當有併發症出現，家屬，傳媒，議員就會將矛頭直指醫護人員，指係醫護害死個病人。調返轉，如過所有醫生為避免『併發症』而寧願唔做有風險嘅程序去醫病人，由得嚴重病情惡化，大家係唔係就最開心？
4）香港有賴劣質傳媒同民眾，加劇成個醫療系統嘅崩壞。投訴文化普及，醫生離開公立，醫生選擇做少啲錯少啲（defensive medicine)，人手嚴重缺乏，等等....最終所有香港人攬炒。
事件至少涉及3名醫生，包括兒科醫生趙華強和兩名負責照X光的醫生，家屬向聯合醫生投訴已有3個月，至今仍未有交代。
【聯合再爆嚴重事故！PICU醫生疑插錯15歲女鎖骨動脈致半身癱】
http://bit.ly/2GCHsAS
【半身癱少女原盼當醫護 母落淚斥院方拖3個月未交代】
http://bit.ly/2pjXMOQ
Search